BUTUAN CITY – Target sa Department of Social Welfare and Development ang pagpalapad sa ilang “Walang Gutom Kitchen” food bank initiative ngadto sa pipila ka mga probinsya sa nasud.
Sa press conference niadtong Sabado, Enero 11, gitaho ni DSWD USec. Edu Punay nga plano nila nga magbutang ug daghang food bank sites sa mga lugar nga taas ang lebel sa kakabos.
Apil sa mga probinsya nga gimonitor mao ang Leyte ug Samar sa Visayas ug ang Bicol region sa Luzon. Lakip usab ang Bangsamoro Autonomous Region in Muslim Mindanao (BARMM), nga giila nga dunay pinakataas nga label sa kagutom, malnutrisyon ug food poverty.
Kahinumduman nga ang nasangpit nga programa gilusad kaniadto sa Metro Manila, partikular saPasay City niadtong Disyembre 2024.
Ang Walang Gutom Program usa ka inisyatibo sa gobyerno ug pribadong sektor nga nagtumong sa pagtubag sa involuntary hunger ug pagpakunhod sa pagsayang-sayang sa pagkaon sa nasud.
