BUTUAN CITY – Gipalukapa ni Filipina mixed martial artist Denice Zamboanga ang Ukrainian fighter nga si Alyona Rassohyna sa away nila sa ONE Interim Women’s Atomweight MMA World Title sa Thailand.
Ningdaug si Zamboanga sa maong dula sa ikaduhang round pinaagi sa gipauwan niining hammerfist ug elbow strike sa Ukrainian fighter. Alayon niini, wala na makabalos pa si Rassohyna hangtud sa giundang nalang sa referee ang dula, pipila ka segundo nalang adise mahuman ang 2nd round, rason nga gi deklara ang Pinay fighter isip kampyonato sa maong dula. Tungod sa maong kadaugan, gilaumang subling maka atbang sa Pinay fighter ang kasamtangang divisional champion nga si Stamp Fairtex alang sa unification fight.
Adiser ang away ni Zamboanga, gidomina usab ni Filipino muay thai fighter Islay Bomogao ang away niini kontra kang Chinese fighter Ran Longshu, rason nga nabulsa sa maong Igorota ang ikaduhang kadaugan sa One Championship. Sayrang top muay thai fighter si Islay sa tibook kalibutan, ilawom sa 45kg female elite division subay sa ranking sa International Federation of Muaythai Associations (IFMA).
Sumala usab sa One Championship, mamahimong ilhon usab si Zamboanga isip unang Pinay nganakabulsa sa MMA World Title.
