BUTUAN CITY – Giklaro sa Armed Forces of the Philippines (AFP) nga tumong sa ilang gihimong background check kon intelligence gathering sa mga kandidato alang sa eleksyon karong Mayo, mao ang pagtabang sa Commission on Election kon COMELEC nga masiguro ang integridad sa electoral process ug protektahan ang national security.
Kini human gikumpirma ni AFP Chief of Staff General Romeo Brawner nga nagpahigayon sila og background check sa mga kandidato sa 2025 midterm elections.
Sigon ni Brawner, gilikayan na sa kagamhanan ang mga nahitabo ning mi-aging mga eleksyon ug kabahin matud pa kini sa pagpangandam sa militar alang sa eleksyon ilabina sa posibleng interference gikan sa mga “foreign actors”.
Gipadayag pa sa chief of staff nga kugn una sila’y makitang kandidato nga anaa sa kategorya nga red flag, ila kining i-Areport sa COMELEC.
Samtang giklaro usab ni AFP Public Affairs Office (PAO) Chief Col. Xerxes Trinidad nga ka-abag nila ang PNP ug ang COMELEC sa maong lakang ug nakatutok sila sa mga potensiyal nga hulga sa seguridad ug pagpanginlabot sa mga langyaw nga posibleng maghatud og dautang impluwensya.
Gipasabot pa ni Trinidad nga gihimo lang sa militar ang ilang trabaho ug magpabiling non-partisan ang AFP sa electoral process.
