BUTUAN CITY – Gikumpirma ni Barangay Kapitan John Benjamin Rosales sa Barangay Limaha ning siyudad sa Butuan nga dugay na nga problema ang nasinatian sa Purok-11 mahitungod sa walay pagkahubas nga tubig.
Sumala pa sa kapitan, private property ang gipuy-an sa 10 ka bobong sa maong dapit og miabot ang panahon nga gigamit sa tag-iya ang yuta rasong wala nay kalutsan sa tubig. Pulos temporaryo lang nga solusyon ang pwede nga himoon pinaagi sa pagtambak.
Tungod kay sumala pa ni Kapitan Rosales nga duna na siya’y resolusyon ani nga mangayu og pondo sa City Government og mapatuman ang concreting with canal nga maoy nakita niining permenante nga solusyon.
Ang problema niini nga proyekto tungod kay nagkinahanglan kini og dakong pondo rasong malangay gayud. Apan gipasalig ni Kapitan Rosales sa mga apektadong pamilya nga dili lang kaayu mabalaka tungod kay nagpakabana man ang barangay og laumang masolbad ra kini sa dili namadugay.
Si Barangay Kapitan John Benjamin Rosales sa Barangay Limaha ning siyudad sa Butuan.
