Publiko, gipahimanguan ni Digong nga dili mutan-aw og utang kabubut-on sa ihatag kanilang ayuda

BUTUAN CITY – Gitambagan ni kanhi Pangulong Rodrigo Duterte ang publiko nga dawaton ang mga ayudang  ihatag sa mga magbabalaud tungod kay kwarta gihapon kini sa katawhan. 

Sigon ni Duterte, kaniadto pa naggahin og pundo alang sa ayuda ang gobyerno og ang problema lang tungod kay duna na’y mga nangangkon sa credit niini.

Gipadayag pa niini nga atol sa iyang administrasyon, iyang gitangtang sa pangalan sa mga pulitiko diha sa mga programa ug mga proyekto aron dili kini ma-politicize.

Giklaro pa niini nga wala’y utang kabubut-on ang katawhan ngadto sa mga pulitikong gigamit ang kaban sa gobyernoj aron manghatag og ayuda tungod kay dili nila kini kwarta kondili buhis sa katawhan.