BUTUAN CITY – Gipangalanan na sa Oslob Municipal Police ang mga suspek sa pagpanglugos sa 15 anyos nga batang babaye sa sitio Nailong, Barangay Hagdan lungsod sa Oslob, Cebu.
Sumala ni PCAPT John Ace Layug, tigpamaba sa Cebu Provincial Police Office nga naila matud pa sa mga kapulisan ang mga suspek pinaagi sa pag review sa mga CCTV cameras sa maong lugar ingon man sa pag interview sa mga witness sa maong krimen.
Tungod niini, daling gimugna ang manhunt operation nga gilangkuban sa CIDG Cebu Provincial Field Unit ingon man ang Oslob Municipal Police. Tungod niini, arestado ang upat ka mga suspek nga giila lamang sa mga pangalang Kris, Saysay, Kris, ug Kent kansa anaa na sa kustudiya sa CIDG Cebu. sa kasamtangan, padayon pa ang gihimong imbistigasyon sa maong insidente. Ug giandam na usab ang mga kasong ipahamtang kontra sa mga naaresto.
Una nang ning dangop ang inahan sa biktima niadtung Disyembre 12 arun i-report ang nahitabong rape case niadtung gabie sa Disyembre 9, sabay sa pista sa maong lugar diin giangkon sa biktima nga giatake matud pa kini sa kapin kon kulang 13 ka mga lalaki apan pagka petsa 13, way swerteng ning panaw ang maong biktima.
