BUTUAN CITY – Gisiguro sa Office of the Ombudsman nga pinal ug dili na mabag-o pa ang ilang desisyon nga tangtangon sa pwesto si Bureau of Fisheries and Aquatic Resources (BFAR) National Director Demosthenes Escoto.
Sumala sa walo ka palid nga joint order sa maong ahensya, wala dawata sa Office of the Ombudsman ang motion for consideration ni Escoto niadtung Pebrero 5, ning kasamtangan nga tuig alang sa dismissal niini sa pwesto tungod sa mga kasong grave misconduct ug conduct prejudicial to the service, lakip na ang pagapsaka oggraft charges. Sumala sa order, ipabilin sa Office of the Ombudsman ang ilang tubag niadtung Pebrero nga tangtangon sa pwesto si Escoto kansa ning bag-o lang, gideklarang perpetually disqualified, kansa nagpasabot nga dili na kini mahimo pang mohawid og bisan unsang posisyon sa gobyerno ug dili usab kini makadagan sa eleksyon.
Lakip sa maong silot ang cancellation of eligibility, forfeiture of retirement benefits, ug perpetual disqualification to hold public office.
Kahinumdumang nag-ugat ang mga kaso Escoto sa 2018 purchase sa mga transmitters ug transceivers alang sa Integrated Marine Environment Monitoring System Project Phase II (PHILO Project) sa BFAR.
