BUTUAN CITY – Hugtanong gipahinumduman sa Philippine National Police-Civil Security Group (PNP-CSG) ang mga katawhan mahitungod sa ginadili nga mga pabuto kon firecrackers and pyrotechnic devices ilabi na karong kapaskuhan ug bag-ong tuig.
Subay sa Executive Order (EO) 28 ug Republic Act (RA) 7183, daghang mga pabuto ang gidili karong Holiday season.
Ania ang talaan sa mga ginadiling pabuto subay sa maong balaod tungod sa ka delikado niini:
· Watusi
· Picollo
· Poppop
· Five Star
· Pla-Pla
· Lolo Thunder
· Giant Bawang
· Giant Whistle Bomb
· Atomic Bomb
· Atomic Triangle
· Large-size Judas Belt
· Goodbye Delima
· Hello Columbia
· Goodbye Napoles
· Super Yolanda
· Mother Rockets
· Kwiton
· Super Lolo
· Goodbye Bading
· Goodbye Philippines
· Bin Laden
· Coke-in-Can
· Pillbox
· Kabasi
· Special
· Kingkong
· Tuna
· Goodbye Chismosa
Kahibaloang niadtung nakalabayng tuig, sugod Disyembre 20 ngadto na sa Enero 1 ning tuiga, 2024, ning kunhod og 15% ang natalang nationwide firecracker-related sumala sa Department of Health kon DOH, kini kon itandi sa natalang kaso niadtung tuig 2022.
Subay niini, anaa lamang sa 137 ang natalang kaso sa nasangpit nga mga panahon.
Ningkabat usab sa 12 ka mga indibidwal ang nasikop sa mga kapulisan sa maong mga adlaw tungod sa paggamit ug pagbaton sa nahisgutang mga bawal nga pabuto, diin anaa sa P224,130.00 ang kantidad sa nakumpiska nga mga illegal fireworks sa mga otoridad.
