BUTUAN CITY – Dunot nang napalgan ang lawas sa nawalang Criminology Student sa Libmanan, Camarines Sur.
Naila ang maong biktima nga si John Lawrence Mallapre, 21-anyos, usa ka 4th year ug graduating student na untana sa nasangpit nga kurso, residente usab kini sa may Brgy. Nuevo sa maong lugar.
Sumala ni Police Senior Master Sergeant Juan Batolina sa Libmanan Municipal Police Station, napalgan matud pa ang patayng lawas sa biktima niadtung Merkules, Disyembre 18, bandang alas 4 na sa hapon pinaagi sa usa ka residente.
Daling gireport sa nakakitang residente ang napalgan niini sa ilahang Barangay Officials. Sayrang na postpone pa sa maong adlaw ang verification sa maong patayng lawas tungod sa ka kusog sa nasinatiang ulan.
Dali usab nga gihimo ang follow-up investigation s amg akapulisan, diin personal nga gikumperma sa mga ginikanan sa maong estudyante nga ilahang anak ang maong patayng lawas tungod sa uniporme niini ingon man sa mga personal niining gamit.
Unang gikabalita nga nawala ang maong ulitawo niadtu pang September 30 ning tuiga, human nga wala kini naka-abot sa ilang eskwelahan, ug wala na usab naka uli pa sa ilang panimalay.
Sumala sa mga ororidad, hilit matud pa kaayo ang nahimutangan s maong patayng lawas, rason nga wala gilayon kini nakaplagan.
Subay niini, wala usab nagpagawas ang pamilya og posibling motibo sa kamatayon sa maong estudyante, apan wal usb giwala sa mga kapulisan ang posibilidad nga nag hunos kini sa iyahang kaugalingong kinabuhi.
Sa kasamtangan, gihulat nalang ang autopsy results sa maong patyang lawas arun masayran kung duna bay foul play nag panghitabo.
