BUTUAN CITY – Nag-atubang karon ang pangamhanan sa Amerika sa posibleng shutdown tungod sa wala makapasar nga spending bill, kini human wala pabori sa US House of Representatives ang funding measure nga suportado ni President-elect Donald Trump.
Pakyas nga makakuha ang revised spending plan og two-thirds majority nga kinahanglan sa ubos balay balaoranan diin 38 usab ka mga Republicans ang ning babag sa maong balaodnon ning Huwebes sa gabie, oras sa Amerika. Kini human pakyas nga makapasar ang bill sa boto nga 174-235, gikataho usab ni Republican House Speaker Mike Johnson nga mohimo gilayon kini og mga bag-ong solusyon adiser ang deadline o mo-expire ang maong balaudnon alang sa pondo sa Amerika karong Biyernes, oras sa Pilipinas.
Gibabagan sa mga democrats ug ubang Republicanns ang maong government spending bill kansa maoy rason sa nagong-ong nga government shutdown tungod sa gidugang nga kontrobersyal nga bilyones dolyares nga pondo, lakip na niini ang pag-usbaw sa government funding og 3 buwan o ngadto na sa Marso 14, 2-year suspension sa federal debt limit ngadto sa January 2027 ug ang paghtag og $110 billion sa disaster aid.
Kahibaloan lahi ang US kon itandi sa ubang nasod, kini tungod kay gidili sa ilahang balaod ang paggasto sa pangamhanan kung walay balaod nga makapasar alang niini. Ug kung walay igasto ang federal government, wala usay sweldo ang mga trabahante niini, rason nga ang mga piniling “essential” services lamang ang mag-abli.
Lakip sa mga essentials nga serbisyo ang law enforcement, border control, traffic control, health care, ug grid maintenance. Apan bisan pa man ang mga niini, wala gihapoy sweldo ugaling mahinayon ang shutdown.
