-- ADVERTISEMENT --
BUTUAN CITY – Nagmugna og kasabutan ang Philippine Sports Commission (PSC) ingon man ang Department of Public Works and Highways (DPWH) alang sa pag-upgrade sa PhilSports Complex sa Pasig City ug Rizal Memorial Sports Complex sa kaulohang Maynila.
Sumala ni PSC chairman Richard Bachmann, nga tumong sa maong rehabilitation kay alang ra usab sa kaayuhan sa mga atleta sa nasod. Usa matud pa kini sa mga lakang nga mapabiling luwas ug malinawon ang mga atleta matag mohimo kini og mga training sa nasangpit nga mga pasilidad.
Gikatakda usab nga itukod ang 12 ka palapag nga building sa Ninoy Aquino Stadium diin makita niini ang mga bag-ong bowling facility ug ang pagpahapsay usab sa Administrative building sa Philippine Sports Museum.
