BUTUAN CITY – Ningdepensa ang legal team ni South Korean President Yoon Suk Yeol nga wala matud pa ning himo ang Presidente og insurrection sa iyahang deklarasyon og martial law niadtung Disyembre 3.
Sumala sa media briefing sa Seoul kahgahapong adlawa, gikwestyon sa tigpamaba sa legal team ni Yoon nga si Seok Dong-hyeon kung hain sa tibook kalibutan ang dunay lider nga nag deklara og insureksyon taliwala sa usa ka live press conference.
Kahinumduman nga gihimo ni Pres. Yoon ang pagdedeklara og martial law sa usa ka live television, kansa gibabagan gilayon sa mga South Korean lawmakers. Pangutana pa sa kampo ni Yoon kung asa matud pa makakita og insurrection nga ning lungtad lamang og 2 ngdto sa 3 oras tungod sa pagbabag sa National Assembly.
Kahinumdumang namugos ang mga SoKor lawmakers nga makasulod sa parliament arun butaran ang pagpugong sa martial law taliwala pa man sa gatusan ka mga sundalo nga gi deploy. Sa kasamtangan, nagpabiling suspendido si Yoon gikan sa gahom niini isip presidente human ning pasar ang sugyot sa pagpa-impeach niini.
