BUTUAN CITY – Ninghimo na usab og dugang kasysayan ang 25-anyos nga si Luca Doncic human kini naka tala sa iyahang ika-siyam nga 40-point triple-double sa kadaugan sa iyahang kuponan nga Dallas Mavericks kontra sa Golden State Warriors.
Kini human ning kamada ang gitawag nga si LukaMagic og 45 points, 11 rebounds, ug 13 ka mga assists, kansa dalan arun masakmit sa Mavs ang ika-17 nga kadaugan karong nga season. Napasulod ni Lka ang unom ka mga 3-pointer gikan sa 11 ka mga attempts, lakip na ang pito ka mga free throws. Dakong tabang usab sa maong dula ang presensya sa kanhi Warriors guard nga si Klay Thompson nga naka pasulod og pito ka mga 3-pointers gikan usab sa 11 niini ka mga itsa.
Sa Warriors, wa ning salir ang 26 ug napulo ka mga assists nga nahimo ni Stephen Curry, ingon man ang 29 puntos nga nahatag ni Andrew Wiggins. Lakip sa nasayang ra sa maong kuponan ang 21 points sa defensive specialist nga si Draymond Green rason nga natagak ang maong kuponan sa ilahang ika 11 nga kaparotan karon nga season.
