BUTUAN CITY – Giextend ngadto sa Disyembre 18, 2024 ang 4th Madyaw Butuan Arts Competition alang sa dugang pa nga mga exhibitors sa maong kompetisyon.
Kahibaloan nga dunay tulo ka mga kategorya ang maong art contest, kansa mao ang painting, mixed media, og sculpture.
Sigon ni Crismiero ‘Cris’ Tamis, Vice-Chairman sa Butuan City Council on Culture Heritage Arts Committee on Visual Arts, nga taman na Disyembre 18 sa tungang gabie ang submission sa entry sa maong kempetisyon, gikan sa inisyal niini nga eskedyul nga Dec. 10 ngadto na sa 15 ning tuiga.
Sumala sa maong opisyal nga usa sa mga inisyatiba sa Art Council sa dakbayan sa Butuan ang maong kalihukan, tungod sa pagtuo nga daghang mga artist ang namuyo ning dakbayan ug kinahanglan lamang kini sila nga i-guide.
Awhag pa niini sa mga aspiring artist nga mas maayo gayud og magapil-apil og mga sama niini nga kompetisyon tungod kay dinhi man mahasa ang talento sa usa ka artist pinaagi usab sa pag obserba sa mga makauban.
Dagkong mga premyo ang nag-atang sa mga mananaog diin sa matag-kategorya dunay 30-mil pesos isip grand prize samtang duha ang makadawat og tag-20-mil pesos isip juror’s choice og pito ang makadawat sa tag-7-mil pesos isip finalist alang sa kategoryang mixed media og sculpture.
Mamahimong maka-apil niini ang nagpuyo sa rehiyon sa Caraga og kinahanglang 18-anyos na kini karung Disyembre 21.
