BUTUAN CITY – Dako ang pasalamat sa usa ka residente sa Dapa, Surigao del Norte sa Bombo Radyo Butuan alang sa makasaliganng impormasyon nga napaabot ngadto kanila pinaagi sa pagpaningkamot ning sibyahan nga masayran sa mga lumolupyo sa maong dapit nga dunay sugyot nga state of calamity sa ilang dapit tungod sa hapit na mag usa ka semana nga wala silay kuryente.
Sumala ni Max Anghelo Savandal nga dako matud pa ang epekto sa pagkawala sa kurente sa ilahang lugar, dili lang sa komunikasyon, kundili lakip na usab sa ilang inadlaw-adlaw nga panginabuhi. Sigon niini nga gawas sa wala silay laing source of information, kundili ang facebook lamang ug mga estory-estorya nga masagap, dili usab sila maka trabaho og tarong tungod kay limitado raman ang oras nga mag andar ang pipila ka mga generator set nga ginagamit sa ilang lugar.
Sayran nga halos unom na ka adlaw nga walay kurente ang maong lugar tungod sa pagkaputol sa submarine cable sa Siargao Island Electric Cooperative kon SIARELCO niadtong Dominggo ug wala pa mubalik ang linya sa kuryente hangtud ning mga taknaa.
Kini ang rason nga giduso resolusyon sa probinsyal nga panggamhanan nga magdeklara og state of calamity tungod sa gikabalak-ang krisis sa kuryente.
Ang pamahayag ni Max Anghelo Savandal.
