BUTUAN CITY – Gipa-amping ni Police Lt. Crispulo Alburo, tigpamaba sa Butuan City Police Office ang mga Butuanons aron dili mabiktima sa kawatan kung mohimo og pagsuroy-suroy dinhe sa siyudad sa Butuanon ilabina karung gabii diin himoon ang Light-up Butuan’ isip official kick-off sa local government sa Christmas season.
Sigon ni Alburo nga kinahanglang adiser mobiya sa panimalay seguruhong naka-lock kini sa panahong walay tawo. Kini gawas pa sa pag-una sa seguridad sa kaugalingon diha sa paglakaw diin kung dunay mamatikdang kadudahan, ipaabot gelayon kini sa otoridad.
Si Police Lt. Crispulo Alburo, tigpamaba sa Butuan City Police Office.
Nasayrang ning mga taknaa himoon na ang ‘Light-up Butuan’ isip official kick-off sa local government sa Christmas season. Nagsugod ang pagpangandam niini sa miaging bulan pa gani duna na sila’y gipangtaud nga mga snowflakes lanterns sa mga dapit nga duna’y street lights sama sa Montilla Boulevard, JC Aquino Avenue apil na sa Magsaysay Bridge.
Atol sa maong light-up ceremony ang awarding sa ‘Light-up A Star’ competition. Ang ‘Light-up Butuan,’ mao ang seremonya alang sa opisyal nga pagpasiga na sa gipangtaud nilang mga Christmas lights sa mga major thoroughfares ning siyudad apil na sa City Hall grounds.
