BUTUAN CITY – Dili na makatakod pa ang mga tawong dunay tuberculosis (TB) ugaling ningpailalum na kini sa pagpatambal, kini ang gikataho sa mga eksperto sa World Health Organization (WHO).
Sumala pa ni WHO TB Officer Thomas Dale Hiatt nga subay matud pa sa kasamtangan nga mga medisina og mga procedures sa pagtambal sa TB, duha pa lang matud pa ka semana, dili na mkatakod ang duna niini nga sakit.
Subay sa moang espesyalista nga bisan pa man nga ginapalikay gihapon nila ang pakig salo sa mga gamit sa dunay TB, giklaro niining dili matud pa maka takod paghulam og mga gamit sa maong mga pasyente, hinoon, mapasa ang maong sakit pinaagi sa hangin.
Dugang pa sa maong doktor nga mamahimo na matud pang maka balik sa ilang normal nga kinabuhi ang mga dunay TB ugaling magpatambal sila sa ilang sakit.
