BUTUAN CITY – Nagpositibo sa makahilong red tide ang tanang samples sa shellfish nga nakolekta sa unom ka mga lugar sa nasud, base na sa pagkumpirma sa Bureau of Fisheries and Aquatic Resources kon BFAR.
Ang mga lugar nga nagpositibo sa paralytic shellfish poison kon red tide toxic sa Visayas ug Mindanao mao ang Dumanquillas Bay sa Zamboanga del Sur, coastal waters sa Tungawan sa Zamboanga Sibugay Province ingon man sa Daram Island sa Samar, Zumarraga Island sa Samar, Irong-Irong Bay sa Samar ug coastal waters sa Leyte sa Leyte.
Ang tanang klase sa shellfish ug uyabang nga gikan sa maong lugar, bawal kuhaon, ibaligya labina kung ka-unon.
Samtang ang mga isdang makuha sa maong mga lugar apil na ang nukos, pasayan ug alimango, mahimong ka-unon basta hugasan ug lutuon lang og maayo.
