BUTUAN CITY- Nakasakmit ang pambato sa Agusan del Norte sa chess sa nagpadayong Batang Pinoy 2024 nga gipahigayon sa Puerto Princesa City sa Palawan og 2 ka gold medals, 4 ka silver ug duha ka bronze.
Sigon ni Lito Gulay, ang maong mga medalya gikan sa duha ka kategoriya nga natapos kagahapon kansa gisalmutan sa mga chess players gikan sa managlahing lungsod sa lalawigan. Gila-umang madugangan pa ang maong ihap sa mga medalya human gisugdan kaganina ang unang round sa standard category nga matapos ugmang adlawa, Nobyembre 26.
Si Lito Gulay, coach sa Team Agusan del Norte alang sa Batang Pinoy 2024. Wala matud pa’y angayang kabalak-an ang ilang sitwasyon sa ilang billeting quarter tungod kay duna’y gi-deploy nga pulis sa ilang nahimutangan.
