BUTUAN CITY- Nagpagawas sa iyahanga pamahayag ni Sen. Bato Dela Rosa mahitungod sa kasagmuyo niini sa proseso sa St. Luke’s Medical Center, Quezon City ngadto sa pasyente nga si Office of the Vice President Under Secretary Atty. Zuleika Lopez.
Sumala sa Senador nga daw dili makatarugan nga perti ra ka dali nga na discharge si Atty. Lopez sa maong hospital nga daw wala man lang kini gipabilin og dugay alang sa dugang pa nga mga check-ups.
Sayran nga gidala sa St. Luke’s Medical Center sa Quezon City si Atty. Zuleika Lopez human nga dili maayo ang pamati niini samtang nakaditene sa House of Representatives. Unang giadala ang maong opisyal sa Veterans Memorial Medical Center apan gibalhin kini sa St. Luke’s alang sa dugang obserbasyon.
Kahinumduman nga cite in contempt si Lopez atul sa public hearing mahitungod sa disbursement sa confidential funds sa Office of the Vice President ingon man sa Department of Education dihang si VP Sara pa ang naghawid sa maong departemento isip Secretary. Una nang gimando sa House panel nga ibalhin sa Correctional Institution for Women si Lopez, apan personal kiining gibabagan ni Vice President Sara Duterte.
