BUTUAN CITY – Padayon pa gihapong gitun-an sa Department of Agriculture (DA) ang posibilidad sa pag-angkat og mga puti nga sibuyas ug uban pang mga gulay, kini human sa epekto sa sunod-sunod nga bagyo sa sektor sa agrikultura sa Pilipinas.
Sumala pa ni DA Secretary Francisco Tiu-Laurel Jr. nga wala pay pinal nga desisyon mahitungod niini, apan ilaha pang itun-an ang mga sitwasyon sa mga kaumahan sa nasod nga maoy nag unang supplier sa mga agricultural commodities.
Dugang pa sa kalihim nga pokus karon sa Bureau of Plant Industry ang pagbisita sa mga lugar nga na-grabihan sa mga bagyo. Sigon usab sa report nga dunay daghan nga mgas umahan nga nagsuply og mga lowland ingon man highland vegetables ang gilaumang dunay ubod nga mga production, ilabi na ang mga probsinya sa Cordillera, Cagayan Valley, ug Ilocos Region.
Lakip sa mga agri comodities nga nakitaan og ubos nga supply ang puti nga sibuyas, diin sa kasamtangan, nag sugod na og usbaw ang presyo nga giakan sa P80 kada kilo, anaa na karon sa tag P120 kada kilo.
Lakip usab sa mga nakitaan og pagkunhod sa supply ang carrots, kamatis, brocoli, ug uban pa. Una nang gikataho sa DA nga duna matud pay plano nga mokuha og supply sa Mindanao o kaha sa Visayas tungod sa epekto sa bagyo sa Luzon.
