BUTUAN CITY – Nagpapasar og resolusyon ang United States House of Representatives nga nag-asdang sa mas daghan pang joint patrol sa West Philippine Sea.
Ilalom sa US House of Representatives resolution No.837, nakalatid dinhi ang tinguha sa mga magbabalaud sa Estados Unidos nga palapdan ug palig-unon pa ang relasyon sa duha ka nasud pinaagi sa pagpahigayon og sunod-sunod nga pagpatrolya sa West Philippine Sea aron maprotektahan ug ma-asdang ang kalig-on sa Indo-Pacific Region.
Nasayrang niadto pa kining tuig 2023 giduso ug kagahapon lang gi-aprubahan. Nakalatid usab sa resolusyon ang pag-awhag sa US government nga makighigala ug makig-alyansa sa uban pang mga nasud nga duna’y susamang gi-asdang sa Pilipinas.
Kinahanglan matud pang i-asdang ang katungod sa gawasnong paglawig sa Indo-Pacific Region dungan sa pagbabag nila sa claim sa China nga sobereniya sa halos kinatibuk-ang West Philipine Sea apil na ang ilang agresibo ug delikadong pagmani-obra sa mga barko sa Pilipinas.
