BUTUAN CITY – Dakong pasalamat sa han-ay sa 15th Regional Community Defense Group sa paglusad sa Bombo Radyo Philippines sa Dugong Bombo 2024 tungod kay nahatagan sila og kahigayonan nga makatabang sa katilingban sa pinasahi nga pamaagi. Sumala ni Maj. Francis Belarmino, ang hepe sa 150st RCDG, ang maong kalihukan, wala lang nila gi-isip nga alang sa ilang kaugalingon kundili alang na usab sa mga manginahanglan og dugo nga mga Pilipino.
Taliwala pa man sa tahas sa Philippine Army pagprotekta sa nasod ingon man sa mga katawhan niini, dili gihapon mawala ang konsepto sa pagtabang sa nila sa katawhan pinaagi sa pagdonar og dugo, ilabi na nga ang mong kalihokan, makasalbar usab og kinabuhi.
Ang pamahayag ni Maj. Francis Belarmino, ang hepe sa 150st Regional Community Defense Group kon RCDG. Madumdumang lakip sa mga nagpakuha og dugo sa Bombo Radyo mao ang han-ay sa mga magtutungha ilawom sa Reserve Officers’ Training Corps kon ROTC kansang nag-unang tahas mao ang pagtabang sa isig-ka ingon pinaagi sa pagdonar og dugo.
