BUTUAN CITY – Natapos nga adunay talagsaong kalampusan ang nationwide blood donation campaign sa Dugong Bombo 2024 kagahapong adlawa. Kini human malampuson nga napahigayon ang mnaong kalihukan sa 22 ka mga siyudad sa Pilipinas.
Sayran nga ang maong inisyatiba, nakatigom og dugo gikan sakinatibuk-an nga 4,451 ka mga manggihatagon nga mga donor, diin ang mga natigom nga dugo nationwide kay ningkabat sa 2,002,950 cc, kon bugti sa 2,002,950 ka litro o 529.12 ka galon sa dugo. Kini nga kantidad halos bugti usab sa 10 ka drums sa dugo. Samtang ang kalihokan orihinal nga giplano alang sa 24 ka mga key cities sa Pilipinas, ang mga kampanya sa Naga ug Legazpi City kinahanglan nga i-postpone tungod sa bagyo nga kasamtnagan nga ning kuso-kuso karon sa ka-Bicolan, rason nga gi-reschedule ang nasangpit nga kalihukan sa maong mga lungsod sa Nobyembre 23, 2024.
Ang inisyatiba giorganisar sa pakigtambayayong sa Bombo Radyo Philippines Foundation Inc. ug sa Philippine Red Cross, uban sa suporta sa lokal ug nasyonal nga mga sponsors, ingon man ang dili matarug nga pasalig sa mga tigpaminaw sa Bombo Radyo ug mga volunteers sa tibuok Pilipinas.
Ang Philippine Red Cross kanunay nga nag-ila sa Bombo Radyo Philippines isip nag-unang organisasyon sa nasud alang sa pagkolekta sa labing taas nga gidaghanon sa mga yunit sa dugo nga dungan sa tibuok nasud sa usa lamang ka adlaw. Kini nga pag-ila nag-ila usab sa kritikal nga papel sa Bombo Radyo sa pagsulbad sa kakulang sa suplay sa dugo sa Pilipinas, ilabi na sa panahon sa dengue outbreak ug sa naandan nga kakulang sa dugo matag Nobyembre ug Disyembre.
Gipahinungod sa Bombo Radyo Philippines ang maong kalampusan sa liboan ka mga blood donors kansang walay kukaikog nga kontribusyon nagpadayon sa pagluwas sa mga kinabuhi sa mga nanginahanglan. Ang ilang pagkamanggihatagon nagsiguro nga ang mga ospital ug pasilidad sa kahimsog sa tibuuk nasud makatubag sa kanunay nga panginahanglanon arun makaluwas og kinabuhi. Isip timaan sa pasalamat, ang tanang malampusong blood donors nakadawat ug snacks, fluid replacements, ug espesyal nga Dugong Bombo 2024 T-shirt agig paghandom sa ilang partisipasyon.
Bisan pa sa mga hagit, ang Dugong Bombo 2024 usa ka masanag nga panag-ingnan sa kolektibong diwa sa bayanihan, nga nagpakita kung giunsa ang mga komunidad sa tibuok Pilipinas naghiusa sa pagpalig-on sa mga reserba sa dugo, pagpalambo sa panaghiusa, ug pagpakaylap sa kalooy ug paglaum.
