BUTUAN CITY – Gipailawom na sa signal no.5 ang probinsya sa Catanduanes karong mga taknaa tungod sa pag kuso-kuso sa bagyong Pepito. Sayran nga ang Signal Number 5 mao nay labing taas nga level sa warning system sa State weather bureau, kini human usab nahimo na nga Super Typhoon si Bagyong Pepito nga adunay international name nga Man-yi.
Sa kasamtangan, nag anam na og paduol an gmaong bagyo sa mga kasikbit nga probinsya sa Catanduanes.
Subay sa 2 p.m. advisory, sa DOST Pagasa, anaa na sa gilay-ong 180 kilometros east-southeast sa Virac, Catanduanes, kansa dunay dalang hangin nga mokabat sa 195 kph ngadto sa 240 kph.
Subay sa monitoring sa Bombo Weather Center, laumang mo landfall ang maong bagyo ning mga taknaa o ugma sa sayo sa buntag.
Nagpahimangno na usab ang hingtungdan nga ahensya sa nasangpit nga lugar sa mga sa mga lumolupyo nga gilayong mo hikling na ug dili na paaboton nga mo landfall pa ang nasangpit nga bagyo.
Samtang nagpahimangno sab kini sa mga residente nga anaa sa kabaybayunan sa srorm surge nga mamugna unya sa maong bagyo nga kasamtangan karon nga nasinatian sa kabaybayunan sa Catanduanes, Albay, Camarines Sur ug ubang bahin sa Bicol.
