BUTUAN CITY – Buksan na karong umalabot nga Nobyembre 22 sa Marcos Stadium, Laoag City sa Luzon ang damgo ni Filipino SEA Games Gold Medalist ug World’s Number 2 Pole Vaulter Ej Obiena nga Pole Vault Facility sa Pilipinas.
Sumala sa social media post sa atleta nga ang maong pasilidad alang sa pole vaulting kay una lang sa pangandoy niining tukuron nga daghang mga pasilidad sa tibook nasod, ilabi na sa mga lagyong dapit.
“I am so happy to announce the dream now begins to become a reality. I am proud to announce our first new facility shall be commissioned with a ribbon cutting ceremony this coming November 22, at 4:00 p.m. at Marcos Stadium, Laoag City, Ilocos Norte, Luzon,”
Ej Obiena
Dugang ni EJ nga anaa siya mismo sa nasangpit nga riboon cutting ceremony. Sa nasangpit nga post, gikabutyag sa Pinoy Champion nga maghimo usab sila og pole vaulting clinic ug seminar sa maong adlaw. Alayon niini, gipasalamatan usab ni EJ ang mga ning tabang ug ning salig kaniya alang sa iyahang pangandoy.
Lakip sa gipasalamatan niini ang mga kapartner niya nga mga brands kansa nahimong tulay alang sa kamugnaan sa pinaka una niining pasilidad, ingon man kadung mga nangdonar alang niini ug sa mga namalit usab sa produkto sa mga brands nga nangtabang kaniya.
Kahinumdumang gianunsyo usab sa atleta nga mamahimo na kining mobalik sa pagdula human nga naulian na ang sakit sa iyahang likod nga hinungdan usab sa inisyal niining desisyon nga mopahulay una og usa ka tuig sa pole vaulting.
