BUTUAN CITY – Gikumperma sa pipila ka mga sources nga nakagawas na sa Pilipinas si kanhi Police Colonel ug PCSO General Manager Royina Garma. Sumala sa usa ka source nga nakagawas na si Garma sa Pilipinas niadtung Nobyembre 7 ning kasamtangang tuig kauban ang anak niini padulong sa Washington DC sa Estadus Unidos.
Kahinumuman nga si Garma ang nagtudlo kang kanhi Presidente Rodrigo Duterte nga nagpaluyo sa extra judicial killings nga gipatuman niini alang sa iyahang drug war dihang kini pa ang naglingkod isip Presidente sa Pilipinas.
Sayran nga gibuhian si garma sa kustodiya sa House of Representatives human kini ningsaad nga motambong sa mga pagdungog sa Komite kung imbitaron siya.
Kahinumduman nga giangkon ni Garma sa mga naka labay nga pagdungog sa Quad Committee nga duna matud pay gipatuman ang kanhi Presidente nga reward system kung dunay mapatay nga mga drug suspect, kini alayon na sa gitawag niining “Davao model” nga war on drugs.
