BUTUAN CITY – Gikumpirma ni Victorias City, Negros Occidental Mayor Javi Benitez nga bulag na sila sa uyab niining actress nga si Sue Ramirez human ang lima ka tuig nilang relasyon.
Gi-anunsyo kini sa Mayor Pinaagi sa iyang Instagram Stories, diin saysay niini nga ang ilang panagbulag, upat ka bulan na ang nakalabay, ug ila lamang kining gihilom isip respeto sa usag-usa. Saysay niini, ang ilang lima ka tuig nga relasyon,g napuno sa gugma ug hudyaka.
Sumala sa Mayor, usa matud pa sI Sue sa pinasahi nga babaye sa entertainment world ug gipanghinat niini ang kalampusan ni Sue sa gugma ug naglaum nga magpadayon ang talento nga hinatag sa kahitas-an. Gipagawas ni Javi ang pamahayag human mikatag ang viral video ni Sue nga nakighalok sa actor nga si Dominic Roque samtang atua sa Siargao.
