BUTUAN CITY – Subling nakadiskubre ang World Health Organization og 17 ka mga pathogens kansa nagkinahanglan og hinanaling kamugnaan sa mga vaccines tungod kay mamahimo man kining maka mugna og lain pang mga sakit.
Sumala pa ni Mateusz Hasso-Agopsowicz, ang WHO technical officer ug project manager alang sa vaccine product ug delivery research nga ang pag istudyo sa maong mga pathogens, maoy una sa kalibutan alang sa pagpugong sa kamugnaan napod unya sa laing mga sakit.
Sumala ni Mateusz atul sa UN briefing sa Geneva nga gipamatud-an lamang sa maong pagka-diskubre sa nasangpit nga mga pathogens ang dugay nang panginahanglanon sa tibook kalibutan alang sa pagmugna og mga vaccines kontra sa mga bag-ong sakit nga motunga matag-karon og unya sa bisan asa mang parte sa kalibutan.
Ang mga pathogens mao ang mga gagmayng mikrobyo nga dili nakita sa mga mata, mamahimo kining usa ka fungi, bacteria, o di ba kaha virus, nga pwedeng hinungdan sa pagkasakit sa matap-tan niini.
