BUTUAN CITY – Ninghinay ngadto sa 5.2% ang pag-saka sa ekonomiya sa Pilipinas alang sa third quarter ning tuiga, sigon sa National Economic and Development Authority kon NEDA nga ning kunhod ang nasangpit nga kapaspason sa pagsaka gikan sa 6.4% sa ikaduhang quarter sa 2024, kini tungod na usab sa pagkunhod sa kita sa agricultural sector.
Alang usab sa 3rd quarter, ning kunhod og gamay ang ang average gross domestic product (GDP) sa nasod gikan sa target sa panggamhanan nga 6.0% diin natala lamang sa maong panahon ang 7.0%. Sumala pa ni National Economic and Development Authority (NEDA) Secretary Arsenio M. Balisacan nga ang maong pagkunhod kay tungod sa agricultural output nga apektado sa El Niño phenomenon, mga bagyo, ingon man sa African Swine Fever nga ning igo sa Pilipinas ning mga nakalabay nga bulan.
Ang maong mga factors dunay dakong epekto sa produksyon, pagpangisda, ingon man sa mga binuhing hayop.
Taliwala sa maong pag kunhod, gikataho ni Balisacan nga ang Pilipinas gihapon ang bugtong nasod sa Southeast Asia nga dunay pinakapaspas nga pagtubo sa ekonomiya.
