BUTUAN CITY – Hugot nga siguridad ang gipatuman sa mga local authorities ug sa Federal Bureau of investigation kon FBI sa tibuok Estados Unidos ilabina sa New York ug sa Washington DC diin nahimutang ang White House.
Sa eksklusibong pakighinabi ning sibyahan, gibutyag ni Bombo international correspondent Dolly Ilogon nga didto sa Washington District of Columbia, gipalibotan na kini og koral nga napulo ka tiil nga gihagubon sa heavy metal base subay sa kamanduan sa Secret Service Agency.
Gihimo matud pa kini isip proteksyon higayong duna’y matigayong bayolenteng protesta sa ingon dili na ma-usab ang nahitabo ni-adtong January 2021 nga riot sa Capitol building.
Bisan ang pinuy-anan nila presidential candidates Kamala Harris ug Donald Trump ingon man ang mga business establishments, gipangkoral na usab aron ma-secure alang sa susamang katuyuan.
Gitutukan matud pa og maayo nila Trump ug Harris ang mga battleground states sa Pennsylvania, Michigan, Wisconsin, North Carolina, Georgia, Nevada, ug Arizona aron ilang makuha ang electoral votes gumikan sa kawala’y klaro sa maong mga estado kung kinsa ang ilang suportahan ilabina sa last minute sa eleksyon.
Tungod sa kahugot sa away sa duha ka mga kandidato, wala gayod matud pa’y makatag-an kung kinsa kanila ang mudaog.
Si Bombo international correspondent Dolly Ilogon sa pakighinabi ning sibyahan.
