BUTUAN CITY – Midangop ning sibyahan ang duha ka mga drivers sa Cebu People’s Multi-Purpose Cooperative sa pangindahay nga matabangan nga ma-release kanila ang ilang card nga maoy gisudlan sa ilang fuel subsidy gikan sa Land Transportation, Franchise and Regulatory Board kon LTFRB.
Sa reklamong gipadangat ni Ben Micla, gibutyag niining wala magsaba ang ilang manager nga si Jocelyn Mangin nga nahatag na diay sa LTFRB ang ilang fuel subsidy sa unang parte pa lang sa buwan sa Oktubre.
Nasayran lang nila kini dihang usa sa ilang ka-uban ang midalikyat sa maong ahensya rason nga dihang gisukmatan nila ang ilang manager, nakig-meeting kini kanila kagahapon. Ang ilang gikakurat tungod kay mibalibad kini pag-release sa ilang card hangtud nga dili matud pa nila bayran ang mga bayrunon nga wala sila masayod kung unsa’y gibasehan sa ilang manager.
Ang tipik sa reklamo ni Ben Micla.
Samtang gisaysay usab sa laing driver nga si Bobby Agunat nga ang sulod sa ilang car mu-abot sa 11,500-pisos.
Nakurat na lang sila tungod kay kuhaan naman kini sa ilang manager og 4,600-pisos nga coop share, gasto sa office supplies ug bahin matud pa sa ilang main office.
Ang nabilin nga 6,900-pisos gikuhaan pa og group savings nga 2-mil pisos, gikuhaan pa og 1,800-pisos nga daily dues alang sa unom ka buwan nga walay hatagay, ug duna pay annual dues hangtud nga nabinlan na lang sila og 1,800-pisos.
Sa pagkutlo ning balita, kamulo pang gipanubayan ning sibyahan ang buhatan sa Land Transportation, Franchise and Regulatory Board kon LTFRB.
