BUTUAN CITY – Giklaro ni Senate President Francis Escudero nga kinahanglang sa tinuig nga General Appropriations Act kon GAA sugod sa 2025 version, duna’y mapadulong sa mga climate adapted ug climate resilient projects. Kini human gikuso-kuso ang Pilipinas sa bagyong Kristine ning nakalabay nga semana, kansa ningkutlo og ubay-ubay nga mga kinabuhi.
Sumala ni Escudero, bisan og dali ra nga makapanumangil og ahensya sa panggamhanan nga angayang basulon sa nakalabay nga bagyo, mas maayo matud pa nga pangamdaman na lang ang susamang kalamidad. Tungod niini, laumang debatehan sa plenaryo ang flood control projects sa himuong budget hearings.
Sumala sa Senate President, gawas sa paggasto sa mga pondo, mas maayo matud pa nga ang paghatag sa maong mga pondo kay base sa mga research arun dili masayang ang kwarta sa katawhan.
