BUTUAN CITY – Nagkamuritsing ang Hari ug Rayna sa Espanya human sila gikumpronta sa mga nanggi rally nga katawhan sa Valencia, Spain pinaagi sa pag labog kanila og lapok.
Atul kini sa pag bisita ni King Felipe VI ug Queen Letizia, ignon man sa Primeiro Ministro sa maong nasod nga si Pedro Sanchez.
Makita sa video ng aning kalat online nga gisinggit-singgitan pa sa mga tawo ang Hari og “murderer”, duna usay uban nga nagpagawas sailahang gibati human nga upat ka adlaw na gikan sa ngilngig nga panghitabo ning bisita ang Hari sa ilahang dapit.
Sayran nga gibasol sa mga katawhan ang pangamhanan sa maong nasod sa nahitabong pinakangil-ad nga pagbaha nga ilahang nasinatian tungod sa ka ulahi sa ilahang mga pahimangno nga ingon matud pa ka taas ang lebel sa tubig baha nga gi ekspektar sa maong dapit.
Kahibaloan nga halos gilamoy sa tubig-baha ang tibook Valencia sa Espanya ning nakalabay nga semana tungod sa Torrential rain nga nasinatian niini kansa pang usa ka tuig nga ulan, apan gibubo lamang sa maong dapit og bali walo ka oras.
