BUTUAN CITY – Mikunhod og dako ang trust ug performance ratings ni Vice President Sara Duterte sa latest survey sa OCTA Research ning mi-aging buwan.
Base sa resulta sa non-commissioned survey nga gipagawas sa OCTA Research kagahapon, ang trust ratings ni Duterte mikunhod og 6% rason nga gikan sa 65%, nahimo na kining 59%.
Sigon sa OCTA, 15% sa mga respondents ang dili matud pa kontento sa iyang performance samtang 33% ang undecided, kansa posibleng nagpakita sa nagkadakong ‘uncertainty’ sa mga electorate. Samtang mi-ubos usab og 2-porsiento ang trust ratings ni Pangulong Ferdinand Marcos Jr. Kansa taas pa gihapon human mi-abot sa 69%, gikan sa 71%.
Sigon sa OCTA, ang pagkunhod, tungod sa margin of error rason nga ang trust ratings sa pangulo, nagpabiling ‘statistically unchanged’ sukad sa ikaduhang quarter. Dos-puntos usab ang gikunho sa iyang performance gikan sa 68% nga nahimong 66%.
Ang OCTA survey gihimo sa Septyembre 4 hangtud 7, gamit ang face-to-face interviews sa 1,200 ka mga hamtong sa tibuok nasud.
