-- ADVERTISEMENT --
BUTUAN CITY – Subling gipamatud-an sa Caraga State University, Butuan City ang kahanas niini pag-abot sa managlahing natad sa licensure examinations sa nasod human nanguna sa Geodetic Engineer Licensure Exam ang duha nila ka mga estudyante.
Subay sa opisyal nga listahan sa top 10 sa maong exam nga gipagawas sa Professional Regulation Commission kon PRC, ningtumaw nga nasakmit ni Alma Rizza Hitalla Delfin ang ika-7 nga pwesto pinaagi sa rating niini nga 86.00%. Ika 10 usab sa listahan si Queennie Rose Timbal Balaba alang sa rating nga 85.00% ug nakuha usab sa maong eskwelahan ang 75.90% nga total passing rate.
Gihimo ang maong eksaminasyon niadtung October 17 ug gitak-opan pagka-petsa 18.
