BUTUAN CITY – Ning kunhod ngadto sa P970.2 billiones ang budget deficit sa pangamhanan sa Pilipinas sumala sa Bureau of the Treasury (BTr) sa unang siyam ka bulan ning tuiga tungod sa pag saka sa revenue collections sa nasod kansa nalabwan pa ang spending growth.
Kahibaloan nga sukad niadtung Enero ngadto sa Septembre, anaa matud pa sa 9.08% ang kinatibuk-an nga fiscal deficit sa Pilipinas kansa mas ubos sa P1.1 trillion ceiling. Sayrang niadtung Septembre ning tuiga, ning kabat matud pa sa P273.3 billiones ang budget deficit sa pangamhanan, kansa 8.9% nga mas taas sa natalang P250.9 billiones sa susamang bulan ning ankalabayng tuig.
Apan nabawi ra usab kini sa revenue collection nga ning kabat usab sa P299.7 billiones, diin P44.2 billiones nga mas taas kon itandi sa natala niadtung nakalabayng tuig, sa susamang bulan.
Tungod niini, ning kabat matud pa sa P3.3 trilliones ang kinatibik-ang nakoleta sa pangamhanan taman niadtung hinapos sa Septembre, kansa mas taas og P455.1 billiones kon itandi sa nakoletka niadtung nakalabayng tuig.
Sa maong ihap, 85.39 percent kon bugti sa P2.8 trilliones niini ang gikan sa mga tax, samtang P481.1 billiones niini ang nagsumikad sa non-tax revenues. Sa kasamtangan, nakolekta na sa Bureau of Internal Revenue kon BIR ang 73.52% sa P2.8 trilliones niini nga full-year target.
