BUTUAN CITY – Target sa Department of Science and Technology kon DOST nga makatala og Guinness World Record alang sa pinakadaghang tawong dungan nga nagtanom og kawayan.
Kini human nila gilusad niadtong Biernes, Oktubre 18, ang Kawayanihan, usa ka Circular Economy Movement kansa gi-apilan sa 18 ka mga grupo gikan sa unom ka mga rehiyon sa Mindanao gawas pa sa usa ka grupo nga gikan sa Leyte province.
Sigon ni Meriam Bouquia, provincial director sa Department of Science and Technology kon DOST-Agusan del Norte, kapin matud pa sa 5,500 ka mga planters ang milambigit niini kansa gipahigayon sa kapin 20 ka mga lokasyon isip pagpakita sa hini-usang paningkamot aron makamugna og mas lunhaw nga kaugmaon kon greener future.
Dugang ni Bouquia, kabahin kini nga kalihukan sa ilang inisyatiba pag-promote sa kawayan isip usa ka tuburan sa mga circular economies, climate resilience, ug sustainable development.
Pinaagi sa hini-usang lakang, mahinungdanon kining kabahin alang sa malahutayong kaugmaon pinaagi sa pag-push sa kawayan isip nag-unang tuburan nga gipakita pinaagi sa ilang pagtanom sa binhi sa ka-usaban ug paglihok alang sa pagkab-ot og world record.
Ang pagsaysay ni Meriam Bouquia, provincial director sa Department of Science and Technology kon DOST-Agusan del Norte sa pakighinabil ning sibyahan.
