BUTUAN CITY – Dili maka salmot si kanhi Presidente Rodrigo Roa Duterte sa House Quad Committee hearing ugmang adlawa, Oktubre 22.
Sumala sa sulat nga gipadala sa abogado niini ngadto kang Committee Chairperson ug Surigao del Norte Rep. Robert Ace Barbers nga tungod matud pa kini sa “short notice” lamang nga nadawat sa kanhi Presidente. Sayran nga nadawat niini ang gipadalang imbitasyon sa House Quad Committee kagahapong adlawa pa lamang, dominggo.
Dugang sa abogado nga bag-ohay lang naka abot sa Davao si Duterte gikan sa Manila, ug tungod sa pangalawas ug pangidaron niini, dili na maayo alang kaniya ang mobyahe na usab sa dali lamang nga panahon.
Kahinumduman nga una nang gikataho sa kanhi Presidente nga andam na kining moatubang sa Quad Comittee sa Kamara de Representantes.
