BUTUAN CITY – Ubay-ubay nga mga republic acts (RAs) nga nagmugna og dugang mga regional trial court (RTCs) ug metropolitan trial court branches sa managlahing bahin sa nasud, ang gipirmahan ni Pangulong Ferdinand ‘Bongbong’ Marcos Jr.
Apil sa mga bag-ong gipirmahan ang RA 12029 hangtud 12036 kondiin RTC branches sa lungsod sa Silang, Cavite; sa Cabagan, Isabela; sa San Jose ug Basilisa sa Dinagat Islands province.
Anaa usab ang pamugna og dugang tulo ka mga metropolitan trial court branches sa National Capital Region Judicial Region nga ibutang sa Parañaque City ingon man ang dugang RTC branches sa Baybay City sa Leyte; Diplahan sa Zamboanga Sibugay; Valencia City sa Bukidnon ug sa Tacloban City sa Leyte.
Base sa balaud, ang Supreme Court (SC) mag-assign og hingtungdang branch numbers sa mga bag-ong mugnang trial court branches. Uban sa pakig-alayon sa Department of Justice (DOJ) Secretary, ang Chief Justice kinahanglang ilakip gilayon ang operationalization sa dugang mga branches sa ilang programa.
Ang Supreme Court mag-isyu usb sa gikinahanglang mga rules and regulations alang sa epeketibong implementasyon sa maong mga RAs apil na ang realignment sa lingkuranan sa nagtunhay nga mga branches apil na ang ilang territorial jurisdiction.
Ang pundo nga gi-require alang sa operasyon sa mga bag-ong mugna nga mga korte, kinahanglang gahinan ug ipagawas lang kung anaa na ang actual organization sa mga korte ug appointment sa mga personahe niini. Mu-epekto ang mga RAs 15-diyas human kini gipublisar sa Official Gazette o kaha sa mantalang duna’y general circulation.
