BUTUAN CITY – Gitutukan karon sa probinsyal nga panggamhanan sa Agusan del Norte ang mga mental health issues sa nagkada-iyang local government units subay na sa ilang pagsa-ulog sa Mental Health Month 2024 ilawom sa temang ‘It is time to prioritize mental health in the working place’.
Sigon ni provincial administrator Elizabeth Marie Calo, pinaka-una kining gihimo sa probinsyal nga panggamhanan aron makahatag og episyenteng serbisyo ngadto sa ilang mga kliyente ang mga empleyado.
Ila matud pang nariyalisar nga kung dili maayo ang mental health sa usa ka empleyado, dili usab maayo ang resulta sa iyang trabaho. Pinaagi matukd pa sa pagtutok sa mental health issues, makuhaan ang stigma sa mga empleyado nga ang ingon niini nga kalihukan, alang lang niadtong daut na ang panghuna-huna.
Gidugang ni Calo nga gipaningkamutan gayod sa probinsyal nga panggamhanan nga ang ilang mga empleyado, well-rounded ang tanang aspeto sa ilang kianbuhi. Kini ang rason nga ubay-ubay nga mga kalihukan ang ilang gilusad nga ikalipay sa tanan nilang mga empleyado ilabina kadtong duna’y mga mental health issues.
Si Agusan del Norte provincial administrator Elizabeth Marie Calo sa pakighinabi sa Bombo Radyo.
