BUTUAN CITY – Gisudan na sa Philippine Army pinaagi sa Army Recruitment Office Mindanao karung adlawa, Oktubre 19, ang Pre-Entry Exam alang sa Officer Candidate Course kon OCC sa may North Eastern Mindanao State University kon NEMSU, sa dakbayan sa Tandag, matapos usab kini karong Oktubre 21 kansa mao usab ang adlaw sa eksaminasyon alang sa Candidate Soldier Course kon CSC o kadtung mga dunay skills apan undergraduates.
Sumala ni SGT. Genefe Lagapa, Caraga Area Coordinator sa Army Recruitment Office Mindanao nga sundan ang maong eksaminasyon sa Agusan del Sur nga ipagiayon karong Oktubre 23 ngadto sa Oktubre 25 sa San Francisco Gymnasium.
Sigon sa opisyal nga kinahanglan lamang dal-on alang sa OCC exam ang College Diploma, Transcript of Records, PSA issued Birth Certificate, ingon man bisan-unsa nga government issued ID. Alang usab sa Candidate Soldier Course, nag kinahanglan lamang og Form 137, Diploma, Grade Card, Birth Certificate, ingon man TESDA certificate niadtung dunay mga skills sa TESDA.
Kwalipikasyon alang sa OCC mao nga kinahanglang at least 20-anyos ug dili mo lapas sa 27-anyos sa adlaw sa oath taking; filipino citizen; college graduate; ug kinahanglan usab nga 5-feet ang height sa lalaki man o babaye. Panawagan sa maong opisyal nga mamahimo pa gihapon nga mo apas sa NEMSU ang mga gustong mo pailalum sa maong eksaminasyon.
Sa kasamtangan, nanginahanglan usab ang nasangpit nga han-ay og mga dunay skills sa Automotive Mechanic, Engineering-inclined nga mga kurso, Professional Licensed Drivers, Creative Web Design, ug daghan pang uban.
Ang pamahayag ni SGT. Genefe Lagapa, Caraga Area Coordinator sa Army Recruitment Office Mindanao.
