BUTUAN CITY – Andam na si kanhi Presidente Rodrigo Roa Duterte nga moatubang sa Quad Comittee sa Kamara de Representantes, sumala sa kanhi Presidente nga gihulat nalang niini ang pormal nga imbitasyon sa komitiba arun kini maka salmot na sa maong pagdungog.
Dugang pa niini nga respetuhon niya ang imbitasyon sa kamara sanglit dili na man siya Presidente ug usa nalang ka ordinaryong tawo.
Kahinumduman nga gipangunahan sa kanhi Presidente ang war on drugs sa Pilipinas niadtung siya pa ang Presidente sa nasod kansa maoy ning tiklo kapin 3-mil ka mga kinabuhi nga gikaingong biktima sa extrajudicial killings kon EJK.
Alayon niini, gusto usab matud pa sa kanhi Presidente nga klaruhon sa maong pagdungog ang mga nauna niining mga pronouncements o mga sugo niini sa mga kapulisan kaniadtu kansa maoy nangulo sa pagpatuman sa war on drugs.
Ang pamahayag ni kanhi Presidente Rodrigo Roa Duterte.
Kahinumduman nga sukad nag sugod ang pagdungog sa komitiba sa Kamara de Representantes, makadaghan nang nahisgutan ang pangalan sa kanhi Presidente isip mastermind matud pa sa serye sa kamatay tungod sa EJK, lakip na niini ang kamatayon sa tulo ka mga intsik nga gikatahong mga drug lords nga gipatay sa Davao Prison and Penal Farm.
