BUTUAN CITY – Ang mga tirada karon ni Vice President Sara Duterte batuk sa administrasyong Marcos partikular kang Pangulong Bongbong Marcos, resulta matud pa sa mga political vested interest groups nga nagpalibot karon sa Malakanyang.
Kini ang panglantaw ni Professor Gerry Caño, presidente sa Professional Criminologists Association of the Philippines kon PCAP. Gibutyag niini nga ang maong mga grupo matud pa nga wala’y laing tumong kondili magpabilin sa gahom, ang hinungdan nga bangi karon nila VP Sara ug Pangulong Rodrigo Duterte.
Gani daghan na ang milampos sa ilang tinguha batuk sa mga Duterte ilabina sa pagpalagpot kang VP Sara kaniadto isip kalihim sa Department of Education kon DepEd. Magpadayon matud pa ang pagsamok-samok sa maong mga grupo tungod sa ilang vested interest hangtud nga ila nang mapalagpot usab sa pwesto si Vice President Sara Duterte.
Ingon niini usab ang rason sa padayong suporta sa mga tawo ngadto sa mga Duterte kinsa dili makadawat sa pagpangdaot sa grupong nagpalibot karon sa Malakanyang.
Ang pagpasabot ni Professor Gerry Caño, presidente sa Professional Criminologists Association of the Philippines kon PCAP sa pakighinabi ning sibyahan.
