BUTUAN CITY – Gi-imbestigahan na sa Agusan del Sur Electric Cooperative kon ASELCO kung nganong duna pa’y nabiling nga live wire sa poste diin duna’y gitrabahong service transformer nga miresulta sa kamatayon sa ilang lineman nga si John Dave Manlangit, 25-anyos, residente sa lungsod sa Veruela.
Sa eksklusibong pakighinabi ning sibyahan, gibutyag ni ASELCO General Manager Emannuel Galarse nga tulo nila ka mga linemen ang mihimo sa maintenance work kagahapon sa alas-onse sa buntag didto sa Bunawan Public Market. Nasayrang sa kaadlawon pa lang napalong na ang linya sa kuryente sa maong dapit rason nga apil sa ilang sayron kung duna ba’y migamit og generator set o kaha duna ba’y linya nga wala mapalong talilwa nga standard operating procedure kon SOP na nila nga siguruhong wala na’y linya sa kuryente ang subject sa ilang maintenance work.
Ang kamatu-uran nga natangtang na ang transformer, pamatuod nga wala na kini kuryente rason nga ilang susihon kung asa gikan ang kuryenteng nakapatay kang Manlangit dihang panaog na kini aron magtaud na unta og bag-ong transformer.
Sigon sa opisyal, mihatag na og inisyal nga tabang ang ASELCO ngadto sa pamilya sa biktima pinaagi sa 30-mil pisos nga burial assistance gawas pa sa sien-mil pisos nga gamiton sa pamilya. Na-istorya na usab nila ang pamilya sa biktima ug nasabtan nga aksidente gyod ang nahitabo.
Si Agusan del Sur Electric Cooperative kon ASELCO General Manager Emannuel Galarse sa pakighinabi ning sibyahan.
