BUTUAN CITY – Gi-andam na sa kapulisan ang mga dokumento ug ebidensya alang sa pagpasaka og kasong murder batuk sa suspek sa pagpatay sa kaugalingon niining ka live-in sa may Purok 1, Barangay Bobon ning syudad sa Butuan.
Sumala ni PLt Crispulo Alburo, ang tigpamaba sa Butuan City Police Office, padayon pang gipangita sa suspek nga si Fernan Bokingo, 26-anyos, residente sa mang dapit.
Sumala ni PLt. Alburo, selos ang nag-unang motibo sa kremin. Nasayran nga kanunay nang mag-away ang magti-ayon ug maglinagubo pa ang sulod sa ilang panimalay hangtud nga niadtong Lunes sa buntag, mi-adto na sa barangay office ang biktima ug nangayo og barangay protection order.
Dihang gidalikyatan sa mga barangay officials ang lugar sa magti-ayon, ilang gikatingala nga nakapaduol sa maong lugar ang suspetsado rason na ila kining gihangyo nga ipagawas si biktimang nailang si Jolamae Ebale.
Misulod matud pa sa ilang panimalay ang suspek apan wala na makagawas og balik rason nga gisulod na kini sa mga barangay officials uban ang pipila ka pulis ug didto na nakita ang patay’ng lawas sa biktima nga anaa sa ilang kutson ug gitabunan na.
Posible matud pang gibunalan ang likod sa ulo sa biktima tungod sa samad niini ug sa napalgang kahoy nga duna’y lama sa dugo apan padayon pa gihapong gihulat sa kapulisan ang paggawas sa resulta sa otopsiya sa patay’ng lawas sa biktima nga gihaya na karon sa balay sa iyang ginikanan sa Brgy. Maug.
Ang pamahayag ni PLT Crispulo Alburo.
