BUTAN CITY – Pormal nang gianunsyo sa Vatican karong adlawa ang kamugnaan sa bag-ong Diocese sa Prosperidad Agusan del Sur pinaagi sa pag-anunsyo ni Pope Francis diin gipaila na usab niini ang pinaka-unang bishop sa maong simbahan, kansa mao si Fr. Ruben Labajo, nga sa kasamtangan auxiliary pa sa Archdiocese of Cebu.
Ang maong bag-ong diocese, gilangkuban sa probinsya sa Agusan del Sur, kansa maoy si-ak sa 57- anyos na nga Diocese of Butuan, nga sa karon, cover nalang ang Agusan del Norte. Ang maong decision sa pag lain sa nasangpit nga diocese gikan sa Butuan, nag sumikad sa petition ni Bishop Cosme Damian Almedilla sa Butuan niadtung 2023.
Una nang gikathao ni Padre Almedilla nga ang maong lakang, usa matud pa ka “strategic move” sa pagpalambo pa sa spiritual nga bahin sa mga magtutuo ug pag-improve usab sa administrative efficiency sa nasangpit nga dioceses.
Gitawag usab sa maong pari ang Agusan del Sur isip “missionary frontier,” tungod sa kalayo niini sa komunidad ingon man usa usab kini ka landlocked nga probisya tungod sa ka wlay access niini sa kadagatan, ug nalibutan pa sa kabukiran.
Kahibaloang one-third sa population sa moang probinsya kay mga indigenous people.
Sa pagka hinayon niini, mamahimo na unya ang Prosperidad nga ika 87th diocese sa Pilipinas ug mamahimong suffragan sa Metropolitan Archdiocese of Cagayan de Oro.
Sa kasamtangan, dunay kapoin kon kulang 800,000 ka papulasyon ang nasangpit probinsya diin dul-an sa 500-mil ang mga katoliko nga anaa nagpalandong sa 26 ka mga parishes, 1 quasi-parish, ug tulo ka mga mission stations. Duna usab kini 32 ka mga diocesan priests, 29 religious priests, ug 6 madre.
Kahibaloan nga na-ordina usab si Fr. Ruben Labajo sa Cebu archdiocese niadtung June 10, 1994. Ug niadtung June 2022, gi tudlo kini ni Pope Francis isip auxiliary bishop sa Cebu. Naordina kini sa episcopate niadtung Aug. 19, 2022.
