BUTUAN CITY – Muhimo gilayon og preliminary investigation ang Department of Justice kon DOJ sa war-on-drugs sa Duterte administration higayong ila nang madawat ang reports ug affidavits sa House Quad Committee.
Sigon ni Justice Undersecretary Raul Vasquez, muhimo usab sila og case build-up sa latest discovery sa panel ilabina sa pagpatay sa tulo ka mga Chinese sulod mismo sa Davao Penal and Prison Farm niadtong Agusto 2016, apil na kang retired general ug anhing Philippine Charity Sweepstakes Office (PCSO) board secretary Wesley Barayuga, ug kanhi Tanauan, Batangas mayor Antonio Halili.
Madumdumang gipusil-patay si Barayuga niadtong Hulyo 2020 dihang pa-uli na siya gikan sa PCSO headquarters sa Mandaluyong City.
Gipusil siya sa wala mailang lalaking nakamotorsiklo pag-abot sa Calbayog ug Malinaw Streets sa Barangay Highway Hills.
Samtang si Halili gipusil usab atol sa flag-raising ceremony niadtong July 2018, kondiin natud-an sa mga imbestigador ang lugar nga gigamit sa sniper kansa pila ka metros lang ang gilay-on gikan sa site sa flag-raising ceremony.
