BUTUAN CITY – Malampusong napahigayon ang pre-registration seminar alang sa mga asosasyon ning syudad sa Butuan nga nagplanong magmugna og kooperatiba.
Lima ka asosasyon ang misalmot niini ka-uban ang ilang mga opisyales ug mga miyembro kondiin gipasabot sila sa kamahinungdanon sa pre-registration seminar.
Apil sa nahisgutan ang kasaysayan sa kooperatiba, kinatibuk-ang mandato niini diha sa komunidad ug ang pipila ka mga balaod nga nagsuporta sa mga niini.
Duna’y open forum kondiin aktibong nangutana ang mga partisipante ngadto sa speaker.
Ang pre-registration seminar usa ka lakang aron magiyahan ang mga asosasyon sa proseso aron mahimong kooperatiba, masayran ang ilang papel ug ilang responsibilidad isip opisyal ug miyembro sa ingon mulahutay kini.
