BUTUAN CITY – Nagtuo si kanhi Justice Secretary Alberto Agra nga panahon na nga usbon ang partylist system sa nasud. Sumala ni Agra, nga daw nahimo nalang nga free-for-all ang maong sistema diin bisan kinsa nalang ang mahimong representante sa mga Partylist groups/organizations.
Sigon niini nga karon na ang panahon nga usbon ang Partylist Act, ang balaod kabahin sa representasyon sa Partylist. Mamahimo matud pa kining pahugtan ugaling bag-ohon man, sama sa kung unsa ka hugot kaniadto diin bugtung ang mga marginalized sector ra gayud ang mamahimong morepresent sa partido.
Apan sumala sa kanhi kalihim nga bugtong ang mga mambabalaod lamangang maka desisyon niini.
Ang pamahayag ni kanhi Justice Secretary Alberto Agra. Base sa talaan sa Commission on Elections, moabot ngadto sa 190 ka Partylist organizations ang ni-file sa ilang Certificate of Nomination – Certificate of Acceptance of Nomination (CON-CANs) ning milabay nga filing period.
